Mission

ECM PACHIAHPA (Missions)

Evangelical Church of Maraland (ECM) ta ano tlai ta Mission chakaona eihrâhpa cha kô 1966-pa ta vaw pathao ta, biepipa “Thlahchhâna ta paduapa, ngiapâna ta pathaopa”, Biehrai nata Khazohpa beihneina liata âpahniena chôta pathaopa a châ. Puhpa A. Khôsa cha ECM Missioanary tuah tua chaipa châ awpa ta Khumi (Myanmar) lâta 1st August, 1966 khata tuapa a châ. 

 

ECM Mission ta field nano nanopa liata rai a hria lymâ:

 

1. India râh liata Evangelical Mission a hnei tua chaina su Tiwa Evangelical Mission cha 1984 tawhta pathaopa a châ. Mishing field cha kô 2000 tawhta pathaopa a châ hra. Chakma Mission cha kô 2001 tawhta pathaopa châ ta, Arunachal Mission cha kô 2010 tawhta pathao a châ heih.

 

2. Partnership Mission (Hriaparaona) Tripura Baptist Mission nahta kô 1987 tawhta, Serving in Mission nahta kô 1994. Friend Missionary Prayer Band nahta kô 2005 tawhta.

 

3. Râh khôtho lâ Missionary (Overseas Mission) tuapapuapana su zy cha:

i) Myanmar nata kô 1966 tawhta

ii) Nepal nahta kô 2001 tawhta

iii) Bhutan nahta kô 2009 tawhta.

Atahmâ cha ECM ta Missionaries 286 a tuah papua ha bâ hra. Tawhla Missionary sponsor-tuhpa chhao chyhsa maluh 2203 ama châ hai hra. Mission chakaona sôhnawh chaipa cha “Beihpari” Kizyhpa Nô Py tawhtapa he a châ.