KRIZYHPA CHIAHMIE CENTENARY MAIN CELEBRATION PROGRAM CHA ECM BETHANY LOCAL CHURCH LIATA HMÂPA A CHÂ:
Kô 1926 pa liata Rev. R.A Lorrain ta a papua pathaopa Krizyhpa Chiahmie cha atakô 2026 he kô 100 a tlohna kô châ ta, he daihti ngiatlâh châ kawpa he ECM Local Church to liata Krizyhpa Chiahmie Centenary Alyna program ta hmâpa a châ.
Krizyhpa Chiahmie Centenary Main Celebration Program he tari 8 November, 2026 ta Bethany Local Church, Siaha liata ahmâpa a châ.
He alyna program he Rev. A. Zawngia, Editor, Krizyhpa Chiahmie chhihthana ry liata hmâpa châ ta, biereituhpa (speaker) he Rev. Chhuakhu Khithie, Editor-in-Chief, Krizyhpa Chiahmie a châ.
He daihti liana heta Krizyhpa Chiahmie Centenary Special Issue ( November 2026) cha Rev. F. Vanlaldika, Moderator Elect, ECM Assembly ta palâhâhna a hnei hra.
Programme hmâ dâh tlâhpipa:
1. Chairman : Rev. A. Zawngia, Editor
2. Thlahchhâna : Mc. H. Lalchhuana, Jt. Editor
3. Biephuahna : Secretary, Bethany Local Church
4. Hlapy : KTP Hlapy, Bethany Local Church.
5. KC Thâtih Reina : Mc. VB. Mokhai, Manager, P&B.
6. Solo : K. Sipawdi, Bethany KHP Member
7. Recitation : Estella, Bethany KHP Member
8. KC Centenary Special Issue Palâhâhna : Rev. F. Vanlaldika, Moderator-Elect
9. Hlapy : ECM Assembly Choir
10. Abeipa Reithaina : KHB No. 144
11. Sôh Hlâna Thlahchhâna : Rev. S. Beihruasa, Jt. Editor
12. Biehrai Reina & Thlahchhâna : Pihnô Rebek K. Zonunsangi, Jt. Editor
14. Speaker : Rev. Chhuakhu Khithie, ES (Edn).
15. Abeipa Reithaina : KHB No. 488.
16. Byhnâ Awna : Rev. RK. Chozah, Biatuhpa.
Bethany Local Church ta a pha kawpa nata pahnie kawpa ta he Krizyhpa Chiahmie Centenary Celebration Programme châ heta achhuanoh ei ta, he program ahmâtuhpazy châta Refreshment pahâh kawpa nata Photobooth nata Banner ângia kawpa ama pachhuapanoh hra. Amâ piepasana he reithai tlâh a châ hmeiseih.
Abeipa chhihthana zawzi ta Krizyhpa Chiahmie ta kô 100 hmia hmô thei ta, he Krizyhpa Chiahmie he Awnanopa manôhzy ta a hlu thei chaina hawhta 'subscribe' chyu awpa ta eimâ hrua chaneih.
Issued & Published by:
Evangelical Media Ministry, ECM Assembly
