ECM KTP EXECUTIVE COMMITTEE MEETING PATLÔPA A CHÂ
ECM KTP Executive Committee Meeting Ei 4-na (2025-2028) cha ECM Local Church, Saikao liata târi 06.11.2026 my dawh 10:00 AM pa ta pathaopa ta zâlâ 4:45 PM pa ta Khazohpa chhihthana ta a palâ kawpa ta patlôpa a châ.
He Meeting he Mc. Derick Salai Solo, President, ECM KTP HQ chhihthana ry liata hneipa châ ta, Rev. Stephen Beihrosia Chozah, Biatuhpa, Saikao Pastor Bia ta Devotion daihti a hmâh. Atakô 2026 March thla tawhta 6th Nov, 2026 chhôh heta KTP Chhihtuhpazy nata Adviser-zy Khazohpa ngiachhiena zawhzi ta maniah pahâsaipa ama y tlâ leipa vâta Rev. KC.Thangching, Sr. Adviser, KTP HQ ta Abeipa ta alynabie reina thlahchhâna a hnei.
KTP EC Member-zy mopakina he Rev. VBH.Sathei Thlyutha, Secretary, KTP HQ ta hnei ta, Meeting ahlao theipa Members he 87 eima châ.
He EC Meeting liana heta hâkô KTP Ryureina, 2027 châta agenda-zy athlipasona hneipa a châ. Official nata Branch agenda 44 tawhta agenda 23 zy 2027 KTP Ryureina lâ tlôkhei awpa ta paryhsapa a châ.
He Meeting liana heta KTP Chhihthana Bu taopathina (Amendment) pahruana Official tawhta nata Branch tawhta thyupakhy 39 liata pahruana 23 zy cha KTP Ryureina, 2027 tlôkhei awpa ta paryhsapa a châ hra.
Hezy hleikhô ta 2027 KTP Kôphuahpa Biepipa châta Official nata Branch zy tawhta thyupakhy tawhta Biepipa 43 tawhta athlipasona hneipa châ ta, Biepipa sâno (2) – “Na zi teh u” Mt. 4:19 nata “A vy teh u, Abeipa lâ kua ei suh u.” Hosia 6:1 zy cha KTP Ryureina tlôkhei awpa ta pathlupa a châ.
Kô 2027-2028 Budget Ceiling châta Rs. 26.5 lakhs apyhpa a châ hra.
Machâ V.Samson, Sr. Adviser, ECM KTP HQ ta thlahchhâna hnei ta, Abeipa thlahchhâna reihparaohpa ta KTP Executive Committee Meeting he pachhâsapa a châ.
ECM Local Church, Saikao Nôpawpazy ta Meeting member-zy châta zâlâ pati amâ chhuahnohpa dôhpa a châ.
A zo lâta Joint Fellowship, Puhpa Lalremruata Khithie, Vice President, KTP HQ chhihthana ry liata hneipazipa châ ta, he programme liana heta Reithaina Pyungia 2026 Music Video Album palâhâhna hneipa a châ. Mc. Derick Salai Solo, President, ECM KTP HQ ta Album he a palâhâh.
ECM KTP HQ Chhihtuhpazy ta Saikao Local Church Nôpawpa zy, KTP Coordination Committee Saikao Chhihtuhpa zy, Saikao KTP Branch Chhihtuhpa nata member-zy nata EC Meeting members a vaw ahlao theipa zydua hnohta eima Beipa Zisu Krista mohta alynabie eima cha reih hmeiseih.
Issued & Published by:
ECM KTP HQ, Siaha
